期待了三, 五, 七年的探親之旅, 今年終於等到頸長, 可以與家姐相聚,
泰狄熊常說不用急, 那兒常在不會消失, 計我話想做要趁早,
看看日本仙台, 便是好例子,一個海嘯呀整個東北消失一大半,
日本溫泉賞櫻, 未來三五年也不用想了, 賞櫻要到韓國吧!
今次一波三折, 先前定好今天飛,有一星期時間考慮, 立刻同家姐夾時間,
但第二天發現弄錯名字,因新 passport有電腦晶片, 不用申請 visa,
又唔可以改用另一passport, 唯有取消再訂過, 弄錯因為flying blue 係用另一個名 。
班機是特價品, 取消左 訂唔番平價, 咁改早些出發啦!
噢! 经紐約 做訂位時, 入完所有資料同信用咭, 法航個system hang 左,
電腦無左反映, 即時打電話去Flying blue 求救, 得唔得都唔知???
點知個staff 話揾到我個訂位, 我再三解釋, 我懷疑信用咭沒有傳送過去,
她說信用咭冇問題啦! 訂位 confirmed , 遲d 會收到 electronic ticket,
因我什麽 confirmation 也沒收到, 要求她得再傳送過來, 立刻收到,
咁就老定啦! 去到機塲Delta 話冇我booking, 要去揾法航,
揾法航話冇我booking, ，佢地唔承認自己張 official confirmation,
揾法航都無用, 訂位當晚即時取消左我個訂位, 吓咁又唔通知声?
我可以即時再比資料再訂過, 估不到比法航放飛機, 去到機塲話 取消,
你估玩咩! 点解我打電話問,個staff 話booking ok 呢? 佢地話信用咭有問題喎!!
Ground staff 話唔關佢事, 我用 internet book, 要去番個 site 度 check 咁,
打電話去 site 個 hot line, 又話無 e ticket no, 個 booking ,唔關佢事
心想, 唉, 如果萬一真的趕不及,家姐在另一邊準備接機 ,
叫我揾 ground staff, 係咁瀉膊,那時我真是好像 "熱鍋上的螞蟻",
我差點忍不住, 要爆發,今次第二次領較法國人的邏輯, 好嬲呀!!
心想小不忍則亂大謀, 唔好發癲, 後來, 我唔想被負面情緒影響自己形象,
話我身在機場就在這兒解決問題, 最多買程機票喇!!!
同鄉也領教 法國人想事情的邏輯，認知上的差異, 冇得肴
死都賴晒個客, 重又唔認錯, 話電腦同我個confirmation 有寫我會收到e ticket,
其實根本無寫, ground staff , 我收唔到點解自己唔 check, 呢d 咪趕客態度,
但係佢個ground staff 職員也找不到個reminder 呀!
試問我點知你公司d 內部行政, 咁多間航空公司, 間 policy 也不同,
我用左五年e ticket, 完全冇發生問題, 今次第一次去到機場比人放飛機,
佢地重話我不是第一個客人遇到這狀況,.......
有客也曾試過, 咁即係佢地個system 有問題,唔 user friendly,
最低能是發生問題又唔解決, 加一句便可免責, 佢又唔肯endorse 我個booking,
要我用 real time fair 再book, 千多元歐羅, 你估得你法航一家??
好, 東家唔坐,坐西家, 幸好我不趕時間,
捉到鹿唔識脫角,有生意都唔做, 又比我揾到張更平宜的機票 !
數聞法國的趕客態度 , 不知香港法航職員又點處理?
整定又係要今日出發, 海闊天空任飛翔,
一個期待已久的旅程, 終於可以成行!
以前同家姐大家總是各忙各, 沒多碰面, 過節吃飯也要兩三星期前約定,
如今分隔兩大洲, 碰面更難上加難, 大家回港時間不同, 已四年沒相聚,
只可網上互通消息, 轉眼間,兒甥女已從小女孩變成甜姐兒,
計劃要好好與家姐一齊去行 supermarket, 一齊烹飪, 行National Park ....
**************************************************************
