夢寐以求的雪地犬拉車(雪橇), 五、六年 前在報章發現這玩意,
近日電視報紙也有介紹附近 ski de fond 中心可安排,
孩子氣的水晶晶一心要賞試雪地犬拉車, 唔使去北極也有得玩!!
泰狄熊又對這玩意沒興趣, 好不容易終於等到有玩伴出現,
同鄉歸隊後, 星期日立刻拉隊出發到雪地野外中心,
幸而貪玩的不單是水晶晶, 法男興緻勃勃的加入探險隊,
我起初也以為唔洗出力便可以坐享其成, 沿路專心欣賞美景,
原來是互動, 成人要自己渣車, 小朋友可以坐在教練的雪橇,
我地兩個女仔差點兒 想縮沙, 好彩工作人員簡選乖狗比我地,
Balade en traineau , Husky ride, Slitta trainata dai cani.
http://www.alpes-haute-provence.com/hiver/sportsneigeglace.htm
我有少少怕狗，我地一落車已聽到佢地吼叫聲呀!
原來虛有其表, 勁純! 第二次見好多人行埋去摸雪地犬,
我見牠們咁乖, 才放膽同地犬地玩,
主人正挑選雪犬, 先為每隻雪地犬掛上雪帶,準備下一旅程,
雪地犬隻隻都好想出去拉, 好想主人埋去, 不停叫呀叫,
好 high , 好興奮咁呀!
教練領隊先講解怎麼樣駕駑雪地犬, 要控制速度, 上斜, 落斜的技巧,
否則會翻車, 教練的講解都算是清楚易明, 雪橇中間有個break 掣,
要停下時可大叫 Stop, 衝力好大吓! 如倒下便要放手, 否則被拖行,
利用人的重量踏實個 break , 這樣雪地犬要跑也跑不動, 不能繼續拉動雪橇了,
我們離不開雪橇, 否則成隊雪地犬便會亂跑, 水晶晶有點害怕,
為解決言語障礙, 就試做一次, 他們再加以指導, 把不明白的地方弄清楚,
小心駛得萬年船!
開始 set-up 工作 , 我地四個人, 一人一架車, 教練先為港女挑選雪地犬,
每人三隻, 先為每隻雪地犬掛上雪帶的, 再連繫住雪橇!
教練領隊由六隻雪地犬拉, 而我地隊員由三隻雪地犬拉, 唔係要慳皮,
有養開狗的人也知雪地犬好大力, 因為我地唔會 handle 到多個三隻,
導師話六隻己可同 formula speed 一樣, 沒受過訓練會＋分危險。
上圖呢隻工作人員替我簡選, 已受訓練的雪地犬, 叫Susizette,
再加兩位不知名隊員, 等候各雪地犬就位, 便先來與三位隊員熱身,
互相溝通,攬攬Susizette ,等下要靠你啦! 下圖呢2隻 Susizette , + XX
我兩隻雪地犬不知幾醒, 唔會在終站 pooh pooh, 出到田野立即清腸胃,
所以終點也保持得算幾乾淨,
四周全是厚厚的白雪蓋滿田野, 盡望是無數樹林,
我們跟領隊由田的左邊開始, 打斜角上右上角,再進入第一排樹後的山徑,
由邊右邊走向左邊, 遶過農舍後面的山徑, 雪地上隱約可見到雪橇在留下痕蹟,
邊學邊玩, 要留心放教練指示, 教練領隊每一段間也停下, 提醒我們要注意什麼,
脚踏 break掣,
.JPG)
下一段路會遇的問題, 及運用什麼技巧, 注意重心放那兒,
第一stop 或向左 gauche, 向右 droit, 卻不可退後, 要停下時可大叫 Stop,
脚踏 break掣, 或重心向左 gauche, 上斜要放開 break 掣, 單腳踏雪橇 ,
另一脚踏雪地以減輕重量, 最好 一起幫忙推橇上山,
才不至令雪地犬筋疲力竭,
我地本來冇手拿機影相, 不過前面有玩野外滑雪 Ski de Fond 的人跌底左,
要等清場才可向右邊山坡前進, 我地也休息及乘機把相機拿出來啦!
清場後, 再上斜坡沿路經過一望無際的野外滑雪場及遶過山頭,
由山邊倒時鐘方向回起點, 處身這裡就好像已完全融入了大自然一樣,
完全不覺數十公里外的繁囂, 世外桃源, 這兒便是戲肉,
三隻雪地犬一般在前面, 有時會玩野要走埋山坡草叢,
要發號師令了牠們向前走,
經過野外滑雪場, 又長又直的雪道, 可以盡情衝呀衝!! 超爽!
只碰見浩愛冬季雪地運動的遊人, 各自各精采, 有的野外滑雪 ski de fond,
有的雪上健行 raquette , 有兩位的正在建愛斯基摩人的雪屋 ,
由於水晶晶＋分雀躍地嘩喇嘩喇大叫, 他們全望過來, 失禮人!
很快就進入森林地帶 , 又轉彎及落暗斜, 由於不是直路,
一轉彎就 要不時break實, 要盡靠左邊或右邊, 脚踏 break掣,
以避免雪橇向前衝, 失去平衡, 也撞可能會傷它們或自已,
什至衝落山邊.......
我的隊員比較鍾意唉右便走, 我要把身體唉左邊去平衡衝力,
如果比雪地犬跑太快好易比佢 '西' 落 山'!!
泰狄熊與法男轉彎落斜沒把重心向左下移, 雙雙炒雪橇,
翻落右邊雪推上, 好驚險刺激!
雪地犬真係超大力, 玩完第二天手臂後面的肌肉好痛!!
玩了一小時我一也覺好夠, 要是玩一天, 必定力倦神疲。
踏雪迎新+ 租大腳八 (更新)
