咁騎呢- 咁都偷

我們日前遊蕩完返回熱那亞朝早在 shopping mall 購物,買左部小電腦,

意粉國大減價中, 然後去另一大型商場看看, 一個半小時後 取車離開,

怎料＋分鍾後去到另一商店外, 發現個車牌有d 異樣, 同早上不同, 睇真d,

前邊只剩下以前摩納哥的臨時牌, 起初以為前邊個泊車時整 nut 左,

咪去後邊車尾睇下, 前後也冇左,  兩個車牌不翼而飛??  咁騎呢!
前邊有兩個洞, 泰狄熊話, 似專業人士傑作, 有齊工具下手,  又快手!
再想起, 在大型商場取車時我地可能撞到正...心想邊邊位忽然咁旺呀!

見前邊同左邊有人, 左邊個人開左尾箱, 地下又有個紙箱, 在執貨,

不似 shopping 完, 以後泊車也要揀旺位, 如果食埋 lunch 架車會否仍在?

我地個車牌是法國車牌, 在意大利比人偷車牌？三十元可做一個點解要偷？
心中有疑團, 立刻諗向壞方向,事有蹺蹊, 唔簡單!! !
泰狄熊話要立刻去報警,  家陣咁多雷達站, 分分鍾收告票收到手軟,  
如hit and run  就上身, 一身蟻 , 唔講得少,所以我地事不延遲立即去報警, 

要認真處理 !!  友人問個number 好正架？如果唔係點解要偷？
我就更杞人憂天,  等下, 有人用呢個車牌做大茶飯,  更水洗不清,
近日南法好多打劫賭場, 珠寶店, 希望佢地唔係用來持械行劫, 否則, 
行行下, 紛紛鐘比警察前截停, 再用槍指住搜身!
時正是中午, 好不容易搵到警察局 carabineri , 警察叫我地二點後才回去,



二點後才回去, 泰狄熊堅持只用相機拍下車牌位置, 不想駕車去,

以為一 take 過攪完, 卻要五點零六點再返去搵亞頭簽名, ,
唔通去嘆 Espresso ??  好在我地返左熱那亞, 唔係遊蕩中!


大家要向香港警察為市民服務的精神致敬, 二十四小時, 全天候服務,

香港警察起麻比意大利警察效率高, 不用大熱天時走二次!

泰狄熊話要立刻回來法國,  再去報警, 要在十五天之內往住區警察局備案,
在法國警察局呆等個多小時, 又再把故重新說一次, 再呈上意大利報案紙,

靚仔警察提議我地重新轉個車牌,  否則日後有排解譯, !!

法國警察做事也比較意大利警察嚴謹, 起麻去檢查架車的 serial no,

報案有時剛巧打雷, 後來靚仔警察打開車頭檢查架車時更落大雨,

狼狽不堪, 幸好泰狄熊為他打傘, 匆忙間卻找不到 serial no ,


Jul  15 後記:

今日去sous Prefecture 運輸處申請個新車牌, 由於昨天是假期, 好多人呀 !

幸好電腦運作, 立即有新牌, 不過行車證 Carte Gris 要幾天後才收到,

只花去2.5 歐, 咁平?? 我地以為要五, 六＋歐 , 不合乎支出,   唔多明呀!

立刻行過對面舖頭做新牌 , 老板話近排好興偷車牌呀!